Project SEARCH

Hefur þú brennandi áhuga á að starfa á almennum vinnumarkaði?

Langar þig að læra og auka færni þína í skemmtilegu og fjölbreyttu vinnuumhverfi?

Námið er einstaklingsmiðað.

Kennd er færni sem nýtist í störfum á almennum vinnumarkaði.

Markmið

Að nemar öðlist færni til að takast á við fjölbreytt verkefni.

Að nemendur fái kennslu um réttindi, skyldur og þær áskoranir sem þeir kunna að standa frammi fyrir í vinnuumhverfi.

Meðal efnis sem kennt er;

• að vinna í teymi
• öryggi á vinnustað
• tækni
• sjálfsákvörðun
• að halda vinnu
• fjármál
• heilsa
• samskipti

• að vera 18 ára eða eldri
• að hafa brennandi áhuga að vinna á almennum vinnumarkaði
• að hafa áhuga á að efla sjálfstæði og sjálfstraust
• að treysta sér til að vinna í teymi
• að vera tilbúinn til að læra launalaust í 9 mánuði

Opnað er fyrir umsóknir 10.mars 2025.

Umsóknarfrestur er til 16.04.2025.

Í fylgigögnum þarf að koma fram upplýsingar um fyrra nám og starfsreynslu.

Upplýsingar sem kunna að hafa áhrif á nám svo sem sérstök hjálpargögn eða námsaðferðir

Hér er  Project-SEARCH_Umsoknareydublad

Umsóknarferlið er svona:

Skref 1: Umsókn

• Þú fyllir út umsókn. Umsóknarfrestur er til 16.apríl 2025.
• Umsókn send með vefpósti á netfangið ps@styrktarfelag.is

Skref 2: Project SEARCH inntökuteymi tekur við umsókn og mun;

• Meta umsóknina þína.
• Óska eftir viðbótarupplýsingum, í samráði við þig, ef þurfa þykir.
• Upplýsa þig um næstu skref.

Skref 3: Ef umsókn þín verður samþykkt munt þú taka þátt í færnimats degi sem en þú færð nánari upplýsingar varðandi það þegar nær dregur.

Skref 4: Project SEARCH inntökuteymi mun:

• Fara yfir upplýsingar frá færnimats degi og velja starfsnema fyrir næsta ár.
• Hafa samband við þig og láta þig vita hvort þú hafir fengið inngöngu.

Velkomið að senda tölvupóst á netfangið ps@styrktarfelag.is eða hringja í síma 414-0500.

Project SEARCH kemur upprunalega frá Children’s Hospital Medical Center í Cincinnati í Bandaríkjunum og var upphaflega sett af stað 1996.

Upphafsmenn þess eru Erin Riehle og Susie Rutkowski, en það var árið 1996 sem Erin hafði samband við Susie til að kanna hvort hún vissi af fötluðu fólki sem hefði áhuga á að vinna á Cincinnati Childrens medical center. Í framhaldi af því þróuðu þær starfsnám sem miðar að því að greiða götur fatlaðs fólks að atvinnuþátttöku á almennum vinnumarkaði. Project SEARCH er ætlað að ögra viðhorfum til vinnuframlags og litlum væntingum til fatlaðs fólks á atvinnumarkaði sem hafa verið lífsseig hingað til. Lögð er áhersla á að skapa mjög jákvæða mynd af fötluðum starfsmönnum sem er áhrifaríkasta leiðin til að breyta viðhorfum til hins betra.

Árið 2018 kynntust starfsmenn Áss Project SEARCH á ráðstefnu á Bandaríkjunum og hrifust af verkefninu.

Haustið 2021 tók stjórn Áss styrktarfélags þá ákvörðun að setja kraft í að koma verkefninu af stað.

Samningur um einkaleyfi var undirritaður í lok árs 2021 og innleiðingarvinna í upphafi árs 2022.

Erins og Sushi hafa heimsótt okkur frá upphafi innleiðingar í 3 skipti og hafa veitt verðmæta innsýn.