Umhverfisstefna 2022 – 2027
Stefna félagsins er að skapa umhverfi og aðstæður sem takmarka neikvæð umhverfisáhrif eins og unnt er í allri starfsemi sinni. Með umhverfisstefnu leitast félagið við að innleiða jákvæð viðhorf til umhverfisverndar.
Umhverfisstefna Áss styrktarfélags felur m.a. í sér:
- Að markvisst verði unnið að flokkun þeirra afurða er falla til á heimilum og vinnustöðum og þeim komið til endurvinnslu.
- Notkun pappírs og einnota umbúða sé almennt stillt í hóf.
- Afurðir innan félags séu endurnýttar eins og mögulegt er.
- Leitað verður eftir verkefnum og samstarfi við fyrirtæki og aðila til að auka þátt endurvinnslu og endurnýtingu hjá félaginu.
- Allri notkun á vatni og rafmagni sem og öðrum auðlindum sé stillt í hóf og farið vel með. Umsjón húseigna taki mið af þessu.
- Að horft sé til umhverfisáhrifa í öllum innkaupum félagsins.
- Að í allri starfsemi félagins sé miðað að því að matarsóun sé í lágmarki.
Leiðir:
- Á öllum vinnustöðum er aðstaða og leiðbeiningar til að flokka sorp.
- Við innkaup á ræstivörum og þess háttar vörum sé horft til umhverfisvottunar.
- Innleiðing og kynning umhverfisstefnu árlega.
- Að fræða fatlað fólk um mikilvægi þess að umgangast umhverfið af virðingu.
- Að hvetja fólk til að nota vistvænar samgöngur.
- Aðstaða fyrir hjólreiðafólk
- Aðstaða til hleðslu rafbíla – gegn gjaldi.
Samþykkt af stjórn 15.03.2022