Í dag eru 10 dagar frá því að við gerðum enn frekari tilslakanir í sóttvörnum vegna Covid -19. Enn er lögð áhersla á góðar sóttvarnir: handþvott, almennt hreinlæti og að tryggja 2ja metra nándarmörk eins og hægt er.
Frá og með 15.júní voru tekin niður skilti um að heimsóknir væru bannaðar á vinnustaðina okkar eins og þið urðuð vafalaust vör við þegar þið komuð á pop-up markaðinn.
Á sama tíma hófst flæði starfsmanna í gróðurhús félagsins við Bjarkarás í Stjörnugróf, öllum til mikillar gleði. Þar stendur allt í blóma og ræktun lífræns grænmetis og matjurta gengur vel.
Allir eru velkomnir í gróðurhúsið (milli 09.00-15.30) og mögulega eigum við eitthvað til að selja þeim sem heimsækja okkur en þrjá daga vikunnar tínum við saman vörur og seljum í Fjarðarkaup og Brauðhúsið (Grímsbæ) þannig að ef þið viljið styðja að fólk með fötlun hafi fjölbreytt verkefni í sinni vinnu er um að gera að versla vörur frá okkur þar.
Smelltu á mynd til að sjá stærri útgáfu.