Á vorin og sumrin blómstrar lífið hjá Vinnu og Virkni hjá Ási styrktarfélagi.
Þá er hefð fyrir því að brjóta upp hefðbundna dagskrá með fjölbreyttum vettvangsferðum sem stuðla að aukinni félagslegri virkni, jákvæðri upplifun og samveru. Þessar ferðir eru mikilvægur hluti af sumarstarfi félagsins og eru skipulagðar með þarfir og áhuga þátttakenda að leiðarljósi.
Skemmtileg ferð í dýragarðinn Slakka og Efstadal II
Svæði 2 (Smiðjan) nýtti góða veðrið og fór í skemmtilega dagsferð sem vakti mikla lukku. Ferðinni var heitið í dýragarðinn Slakka í Laugarási í Biskupstungum, þar sem þátttakendur fengu tækifæri til að kynnast fjölbreyttum dýrum í lifandi og skemmtilegu umhverfi. Þetta var bæði fræðandi og ánægjuleg upplifun þar sem allir fundu eitthvað við sitt hæfi – hvort það var að klappa kanínum, stara í augun á geitum eða njóta bara samverunnar í nærveru við dýrin.
Eftir heimsóknina lá leiðin í hinn vinsæla stað Efstadal, þar sem hópurinn naut góðra veitingar í sveitasælunni. Ferðin heppnaðist einstaklega vel og skapaði dýrmætar minningar fyrir alla sem tóku þátt.
Virkni og velferð í fyrirrúmi
Ferðir sem þessar eru mikilvægur þáttur í starfi Vinnu og Virkni og hafa þann tilgang að efla félagslega þátttöku, styrkja tengsl og skapa jákvæðar og innihaldsríkar stundir. Starfsfólk leggur metnað í að skipuleggja ferðir sem henta öllum og leggja grunn að góðu sumri þar sem gleði og samvera eru í forgrunni.
