14.september síðastliðinn undirrituðu Almar Guðmundsson bæjarstjóri Garðabæjar og Þórður Höskuldsson formaður stjórnar Áss, þjónustusamning um rekstur í nýjum búsetukjarna.
Búsetukjarninn í Brekkuási er í eigu Garðabæjar en Ás styrktarfélag sér um þjónustu samkvæmt samningi.
Lögð er áhersla á einstaklingsmiðaða þjónustu sem stuðlar að sjálfstæðu lífi á eigin forsendum.
Búið er að úthluta í allar 7 íbúðir Brekkuáss og er áætlað að fyrstu íbúarnir flytji inn í nóvember.
Á mynd má sjá Almar og Þórð við undirritun samningsins.
Á hópmynd eru (frá vinstri) fyrir hönd Garðabæjar; Hjörtfríður St Guðlaugsdóttir ráðgjafarþroskaþjálfi, Pála Marie Einarsdóttir umsjónarþroskaþjálfi, Björg Fenger formaður bæjarráðs, Almar Guðmundsson bæjarstjóri og fyrir hönd Áss styrktarfélags Þórður Höskuldsson formaður stjórnar og Þóra Þórarinsdóttir framkvæmdarstjóri.
