Vinna og virkni

Í dag veitir Ás styrktarfélag um 235 manns þjónustu í formi vinnu og virkni. Þjónustan er veitt á vinnustöðum félagsins í Ási vinnustofu og Stjörnugróf. Félagið hefur ávallt kappkostað að vera í fremstu röð varðandi gerð og gæði þessarar þjónustu, að hún samræmist þeim viðmiðum sem eðlileg þykja. Er þá sérstaklega lögð áhersla á jöfn tækifæri og virðingu fyrir getu hvers einstaklings.

 

Nálgast má kynningarmyndbönd um nokkra vinnu- og virknihópa með því að smella á Virkni hópar hér til hliðar og síðan á hvern hóp fyrir sig. 

 

Heildarstefna Áss styrktarfélags miðar að því að öll dagþjónusta fullorðinna sé vinna og hafi gildi sem slík. 

 

Áhersla er lögð á að auka fjölbreytni og einstaklingsmiðaða þjónustu. Allir eiga sér fasta dagskrá á sínum vinnustað. Að auki eiga þeir þess kost að velja sér rafrænt allt að fimm vinnu- og virknitilboð tvisvar á ári. Tilboðin eru fjölbreytt og leitast er við að hafa eitthvað við allra hæfi. Félagið leggur áherslu á að fjölga verkefnum úti á almennum vinnumarkaði eftir því sem kostur er.

 

Skipulag valsins fyrir vorið 2022 miðast við fulla starfsemi. Við munum þó að sjálfsögðu hlýða sóttvarnarlækni og aðlaga starfið gildandi takmörkunum hverju sinni. 

 

Allir leiðbeinendur eru ráðnir óstaðbundið í vinnu og virkni hjá Ási styrktarfélagi og geta því fylgt starfsfólki með fötlun þangað sem þeirra er þörf.

 

Athygli er vakin á því að þetta val stendur eingöngu þeim til boða sem eru í eða hefur verið úthlutað vinnu og virkni hjá Ási styrktarfélagi. Sótt er um hjá Vinnumálastofnun.

 

Þessi vefur notar vefkökur (e. cookies).

Sjá nánar í persónuverndarstefnu.