Gleðilega hátíð

Ás styrktarfélag óskar öllum gleðilegra jóla og farsældar á nýju ári.

Þökkum samstarfið, hlýhuginn og stuðninginn á árinu sem er að líða.

Lesa meira []

Annað uppboð

Föstudaginn 11. desember hélt Góði hirðirinn annað uppboð til styrktar Bjarkarási. Tónlistarmaðurinn KK stýrði þessu uppboði eins og því sem haldið var í nóvember. Að þessu sinni söfnuðust 301.200 kr. Heildarupphæðin sem Góði hirðirinn hefur safnað með þessu móti og gefið Bjarkarási, er því 687.200,- krónur. Formleg afhending fór fram í Góða hirðinum föstudaginn 17. desember þar sem einnig voru afhentir veglegir styrkir til ýmissa góðgerðarmála.

Bjarkarásfólk mun nýta styrkinn til kaupa á standlyftu og ýmsum tölvutengdum búnaði eins og snertiskjá og rofum.

Nánari upplýsingar um styrkveitingar Góða hirðisins má sjá á heimasíðu þeirra hér.

Lesa meira []

Fréttabréf Lækjaráss

Fréttabréf Lækjaráss fyrir desember mánuð er komið út. Þar ber ýmissa grasa, m.a. er viðtal, jólasaga og ýmsar tilkynningar. Fréttabréfið er hægt að nálgast hér í prentvænni útgáfu.


Lesa meira []

Annað uppboð í Góða hirðinum

Föstudaginn 10. 12.  Kl. 16:30 verður uppboð hjá Góða hirðinum í Fellsmúla 28. Verslunarstjórnin hefur ákveðið að endurtaka leikinn frá því síðast og gefa Bjarkarási allt sem kemur í kassann á uppboðinu. Í nóvember seldist fyrir 386.000,- kr. og dugar sá peningur fyrir standlyftaranum sem Bjarkarás hefur bráðvantað svo lengi.

Nú verður söluhagnaði varið til kaupa á ýmsum tölvubúnaði og jafnvel myndavél, fer allt eftir því hversu mikið kemur inn. Bjarkarás hvetur alla til að mæta því þetta eru stórskemmtilegar uppákomur sem tónlistarmaðurinn KK stjórnar af stakri snilld. Skoðið vef Sorpu, þar sem hægt er að sjá hvaða munir verða á uppboðinu.


Lesa meira []

Gjöf frá Kiwanisklúbbnum Heklu

Nú í morgun komu félagar frá Kiwanisklúbbnum Heklu og færðu Bjarkarási 42” sjónvarp að gjöf.

Við kunnum þeim góðar þakkir fyrir og hér má sjá mynd frá afhendingunni.

Afhending sjónvarps

Lesa meira []

Menningavika í Lækjarási

mynd f menningavikuVikuna 15.-19. nóvember var haldin menningarvika í Lækjarási í annað skipti. Skiptust stofurnar á að koma með menningarlega viðburði. Kenndi þar ýmissa grasa  og  fengum  við kynningu á kaffimenningu, jeppamenningu, íslensku jólasveinunum, tröllum og ýmsir lásu upp ljóð. Var þetta mjög fjölbreytt og skemmtileg vika.

Með því að smella á myndina fáið sjáið þið myndir á prentvænu formi.

Lesa meira []

Jólamarkaður í Bjarkarási

jólakúlur Laugardaginn 27. nóvember verður jólamarkaður í Bjarkarási, Stjörnugróf 9, kl. 13 – 16. Þar verða til sölu ýmsir listmunir sem meðal annars eru unnir úr gleri, tré, ull og leir. Einnig verða seld kerti úr nýrri kertagerð Bjarkaráss. Vinnustofan Ás verður með klúta, handklæði og sitthvað fleira.

Léttar veitingar á vægu verði.

Allir velkomnir.

Til að sjá prentvæna auglýsingu vinsamlegast smellið hér.

Lesa meira []

Gamlir munir til góðra mála

Föstudaginn 19. nóvember var haldið uppboð í Góða hirðinum og allur ágóðinn rann óskiptur til Bjarkaráss. Boðnir voru upp gamlir, sérstakir munir, en þeim er haldið til haga er þeir berast góða hirðinum og seldir á þennan hátt til styrktar góðu málefni. Margt var um manninn á uppboðinu og skemmtileg uppboðsstemning myndaðist, þar sem bitist var á um marga þessarra hluta.Stjórnandinn var tónlistamaðurinn K.K. en engu líkara var en að hann hefði þetta að sínu aðalstarfi, svo fagmannlega stóð hann sig.Salan var um 380.000 og verður notað til kaupa á standlyftu sem lengi hefur vantað í Bjarkarás og erum við afskaplega þakklát fyrir.

Ýtið hér á hnappinn að neðan til að sjá myndir. 

Lesa meira []

Uppboð með KK í Góða hirðinum

Föstudaginn 19. nóvember kl 16:30 verður Góði hirðirinn, nytjamarkaðar SORPU og líknarfélaga, með uppboð í húsnæði Góða hirðisins að Fellsmúla 28. Uppboðshaldari er enginn annar en KK og rennur allur ágóði uppboðsins óskiptur til Bjarkaráss sem er ein af stofnunum Áss styrktarfélags sem veitir fötluðu fólki dagþjónustu, hæfingu og vinnu.  Með því að smella hér er hægt að sjá alla fréttina á síðu Sorpu.

Lesa meira []

Word og Excel námskeið

Undanfarið hefur starfsfólk Áss styrktarfélags verið á tölvunámskeiði í Word og Excel.  Námskeiðin voru haldin á skrifstofu félagsins og voru þátttakendur sammála um að hafa bæði gagn og gaman af.

 word námskeið 


Lesa meira []

Fjölmiðlahópur Lækjaráss

Hluti af Fjölmiðlahóp Lækjaráss kom í gær og afhenti skrifstofu félagsins eintak af Lækjaráspóstinum. Hér að neðan má sjá mynd af Maríu afhenda Jónínu eintak og með því að smella á meira er einnig hægt að sjá Sverri, Bjarna, Maríu, Jónínu og Þóru. Þökkum kærlega fyrir afhendinguna.

jónína og maría

Lesa meira []

Lækjaráspósturinn

Pósturinn fyrir október mánuð er kominn út frá Lækjarási, þar sem sagt er frá ýmsu, m.a.:

  • Þann 22. október síðastliðin voru 29 ár liðin frá stofnun Lækjaráss.
  • Unnið er nú að krafti að setja upp heitan pott í Lækjarási.
  • Bíódagar verða haldnir í Lækjarási einu sinni í mánuði.

Lækjaráspósturinn er kominn út og hægt að nálgast hann hér í prentvænu formi.

Lesa meira []

Fræðslufundur - FFA

FFA – fræðsla fyrir fatlaða og aðstandendur stendur að kynningu á þeirri breytingu á þjónustu við fatlað fólk sem verður um næstu áramót þegar sveitarfélög taka við þeim þjónustuþáttum sem svæðisskrifstofur málefna fatlaðra hafa haft með höndum.

Tilgangurinn með kynningunum er að fólk geti leitað svara við spurningum eins og:

  • Hvað er það sem breytist og hvað ekki?
  • Hvernig er undirbúningi breytinganna háttað?
  • Hvert á ég að leita eftir þjónustu eftir áramót ? o.fl

Fyrri fundurinn verður 8. nóvember kl. 20:00  að Háaleitisbraut 13 og er ætlaður íbúum  Reykjavíkur og Seltjarnarness.

Seinni fundurinn verður  9.  nóvember kl. 20:00 að Háaleitisbraut 13, og er ætlaður íbúum Kópavogs, Hafnarfjarðar, Garðabæjar og Mosfellsbæjar.


Lesa meira []

5 ára starfsafmæli

5 ára starfsafmæli

Hrund, Viktoryia, Anna Herdís, Elísa og Alma fagna á þessu ári 5 ára starfsafmæli og var þeim afhend rós og hjarta í því tilefni.

Lesa meira []

Opið hús 22. október 2010

Auglýsingin opið hús 2010 Ás

 

Ás vinnustofa, Brautarholti 6 verður með opið hús þann 22. október næstkomandi. 

Þar gefst tækifæri til að kynna sér starfsemi Áss vinnustofu og skoða þær vörur sem þar eru framleiddar.

Klukkan 14:00 verða afhentar viðurkenningar fyrir 20 ára starf. 

Opnunartími: 13:00 (1:00) — 15:30 (3:30)

Kaffi og kleinur       

Kær kveðja og hlökkum til að sjá ykkur

Starfsfólk Áss vinnustofu

Með því að smella á myndina er hægt  að prenta út auglýsinguna.

Lesa meira []

Setrið eins árs.

Þann 8.október var eitt ár liðið frá því að starfsemi Hússins flutti í Lækjarás. Í leiðinni var skipt um nafn og varð Setrið fyrir valinu. Af því tilefni buðu Nína og María uppá óvænta veislu og hélt María ræðu þar sem meðal annars kom fram þakklæti til allra í Lækjarási fyrir að taka svona vel á móti þeim úr Húsinu. Setrið 1 árs


 

Lesa meira []

Þessi vefur notar vefkökur (e. cookies).

Sjá nánar í persónuverndarstefnu.